Lettland - Føroyar: Somu menn frá byrjan

Allir spælararnir, sum byrjaðu inni í Nations League-dystinum ímóti Norðrumakedónia, hava fingið afturval til útidystin ímóti Lettlandi í dag.

Tað merkir, at Bárður á Reynatrøð verjir málið, og Viljormur Davidsen, Andrias Edmundsson, Samuel Chukwudi og Jóannes Kalsø Davidsen manna verjuna.

Á miðvøllinum eru Gunnar Vatnhamar, René Shaki Joensen, Sølvi Vatnhamar, Hanus Sørensen og Meinhard OIsen, og Jóan Símun Edmundsson er í álopinum.

 - Tað liðið, sum byrjaði ímóti Norðurmakedónia, gjørdi tað øgiliga væl, og tí eru vit komnir til ta niðurstøðu, at vit byrja við teimum somu, sigur føroyski hjálparvenjarin, Eli Hentze.

 - Men vit sóu hendan dagin, at tað vóru brúk fyri nýggjum kreftum, sum dysturin leið, og tað kemur tað eisini at vera í dag, so vit kunnu vænta, at nakrir av teimum, sum spældu nógv (leygardagin, red.), ikki koma at spæla allan dystin í dag.

Útskiftingar eru treytaðar av dystargongdini, sigur Eli Hentze, men mest sannlíkt koma tær fyrstu, tá ein tími er spældur ella so.