- Tíðindi, mentan og ítróttur
Føroysku telvararnir fingu góða byrjan á talvolympiaduni
Føroysku telvararnir fingu góða byrjan á talvolympiaduni
Fyrsti dysturin endaði við 3-1 sigri á karibisku oynni Santa Lucia. Í dag er mótstøðan ein heilt onnur
![](https://kvf.fo/sites/default/files/styles/grein-ovasta-mynd/public/talvlandslidid.png?itok=J2aFUdhH)
Føroysku telvararnir í Budapest.
12.09.2024 - 08:49
Føroyska talvlandsliðið byrjaði í gjár væl á talvolympiaduni, sum er í Budapest.
Fyrsti dysturin endaði við 3-1 sigri á karibisku oynni Santa Lucia, sum bara fyri aðru ferð er við á talvolympiadu.
Høgni Egilstoft Nielsen, Rógvi Egilstoft og Luitjen Akselsson Apol vunnu síni talv, men heldur óvæntað tapti Helgi Dam Ziska á fyrsta borði.
Í dag er mótstøðan ein heilt onnur, tí Føroyar telva ímóti Turkalandi, sum er styrkismett sum nummar 14 í kappingini, og hevur stórmeistarar á øllum borðum.
Nýggjastu sendingar í ÚV
Nýggjastu sendingar í SV