Gunnar ætlar at kappast meira

59 ára gamli vágbingurin Gunnar Hjelm vann í morgun silvur í DM-kappingini í bodybuilding í Masters-flokkinum +60 ár og vann fjórða pláss í flokkinum +50 ár.

Gunnar heldur, at ein orsøk til, at hann ikki kom heilt upp á ovasta trinið á sigurspallinum, var fyrireikingartíðin hjá sær, tí hann skuldi missa so nógv kilo eftir so stuttari tíð.

Hóast Gunnar sum sagt fyllir 60 um tveir mánaðir, so er hann framvegis svangur eftir at kappast og ætlar ikki, at hetta skuldi vera hansara seinast kapping. Men hann fegnast um, at bodybuilding er í framgongd í Føroyum, og fleiri góðir íðkarar eru ávegis.

Gunnar ásannar, at bodybulding er ein ítróttagrein, har tú fyri ein stóran part ert einsamallur um tað, sum tú gert, men tað vil so siga, at gongst væl, kann hann bara takka sær sjálvum, og gongst minni væl, er eingin annar at skylda uppá.

Hoyr samrøðu við Gunnar Hjelm í útvarpstíðindunum:

2024-09-05-Gunnar-Hjelm