Bretland: Sleppa ikki at roykja uttan fyri skúlar og sjúkrahús

Í Bretlandi ætla tey at gera tað ólógligt hjá teimum, sum eru 15 ár ella yngri, at keypa sigarettir. 

Hetta sæst í lógaruppskoti, sum stjórnin fer at leggja fyri bretska parlamentið týsdagin. 

Tað skrivar Reuters. 

Eisini er ætlanin, at tað skal vera ólógligt at roykja uttan fyri skúlar, sjúkrahús og spælipláss. 

80.000 fólk doyggja av royking

Stjórnin hevur slept ætlanini um at gera tað ólógligt at roykja uttan fyri vertshús og kaffistovur,  tí vandi er fyri, at tað fær neiligar avleiðingar fyri matstovuvinnuna.

Endamálið við lógarboytingini er at minka trýstið á almenna heilsuverkið.

Hagtøl vísa, at royking hevur við sær, at 80.000 fólk doyggja um árið, og tað kostar umleið 21,8 milliardir pund ella 193 milliardir krónur í okkara peningi.