Treytaða fongsulsrevsing fyri hvítvask

Tveir menn úr Danmark eru dømdir 14 dagar treytað fongsul fyri hvítvask, og hald verður lagt á peningin, sum teir høvdu uppi á sær, tá ið teir vóru tiknir.

Menninir vóru tiknir á flogvøllinum í Vágum í fjør summar, á veg av landinum. Við sær høvdu teir tilsamans 41.000 krónur. 

Løgreglan helt, at peningurin stavaði frá ólógligum virksemi, tí menninir vóru bara heilt fáar dagar í Føroyum, og hava annars einki tilknýti til Føroya.

Teir nokta báðir, at teir eru sekir.

Ákæruvaldið kravdi treytaleysa fongsulsrevsing í 20 dagar.