Viðmerkjari: Lyfti frá floksformanninum til Ingilín eru brotin

Talan er um brotin lyfti frá floksformaninum í Javnaðarflokkinum, nú Ingilín Strøm ikki hevur fingið nakran av teimum "tungu" nevndarsessunum í løgtinginum.

Tað heldur Ingi Samuelsen, politiskur viðmerkjari, sum var í Breddanum fyrrapartin.

Aksel V. Johannesen, løgmaður og formaður í Javnaðarflokkinum, segði í samrøðu við Norðlýsið fyrr í hesum mánaðinum, at Ingilín D. Strøm, fyrrverandi landsstýriskvinna, fór at fáa "nakrar sessir."

Ingilín D. Strøm, Aksel V. Johannesen

Frítekst tagging: 

Ingilín D. Strøm

Aksel V. Johannesen

Javnaðarflokkurin

Bjarni Árting Rubeksen

Ingilín D. Strøm og Aksel V. Johannesen. (Mynd: Bjarni Árting Rubeksen)

Tí var roknað við, at hon eitt nú fór at fáa sæti í uttanlandsnevndini ella fíggjarnevndini, tá Javnaðarflokkurin í gjár umskipaði sínar nevndarsessir.

Men so var ikki. Ingilín D. Strøm heldur fram í rættarnevndini og verður varalimur hjá Bjarna Hammer í fíggjarnevndini. 

Árni Gregersen, sum eisini var í Breddanum,  sigur, at hann dugir ikki at síggja, hví eitt landsstýrisfólk, sum í hesum førinum hevur lagt frá sær, skal lønast fyri at fara aftur í tingið. Tí tað eru onnur í tingbólkinum, sum halda seg hava eins góðan rætt til nevndarsessirnar.

Hoyr innslag í útvarpstíðindunum: 

Allur Breddin kann hoyrast her.