Føroya Banki í Grønlandi hevði eisini gott úrslit

Eisini grønlendska deildin hjá Føroya banka, Bankivik, hevði eitt gott ár í fjør.

Úrslitið fór úr 38 milliónum fyri skatt í 2023 upp í 67 milliónir í fjør.

Føroya banki hevði 310 mió. kr. í avlopi eftir skatt í fjør.

Úrslitið fyri skatt var 382 mio. kr.

Leiðsla bankans væntar, at nettoúrslitið fyri 2025 verður millum 210 og 240 mió. kr.

350 milliónir í vinningsbýti

Á aðalfundinum 27. mars verður skotið upp at gjalda partaeigarunum 350 mió. kr., 36,46 kr. fyri hvørt partabrævið, í vinningsbýti.

Av hesum eru 217 mió. kr., 70 prosent frá ársúrslitinum, og 133 mió. kr. vera goldnar fyri at røkka kapitalmálinum hjá Føroya banka samtakinum. 

Útlánini hjá Føroya banka fóru úr 8,9 mia. kr. í 2023 upp í 9,1 mia. kr. í 2024.

Innlánini fóru úr 8,7 mia. kr. í 2023 upp í 10 mia. kr. í 2024.