Nú kunnu fleiri kannast fyri lívmóðurhálskrabba

1. mai verður tilboðið um fyribyrgjandi kanning fyri lívmóðurhálskrabba víðkað til aldurin 23 til 64 ár.

Í dag er aldursbólkurin 25 til 64 ár.

Talan er um tveir kanningarhættir. Kvinnur, sum eru millum 23 og 29 ár fáa bjóðað cytologi-screening triðja hvørt ár, meðan bólkurin 30 til 64 ár fær bjóðað HPV-screening fimta hvørt ár.

Cytologisk kanning merkir, at kyknurnar frá lívmóðurhálsinum verða kannaðar við eini sjóneyku, ella mikroskopi.

Við broytingini verður tilmælið 17 í krabbameinsætlanini frá 2022 raðfest, skrivar Sjúkrahúsverkið í tíðindaskrivi.

Í Føroyum hava kvinnur fingið bjóðað screening fyri lívmóðurhálskrabba síðan 1995.