Amerikanski áhugin fyri Grønlandi sæst eisini aftur í njósningini

USA savnar alsamt fleiri fregnartænastuupplýsingar um Grønland, eftir boðum frá Tulsi Gabbard, stjóra fyri fregnartænastuna, siga tvær keldur við Wall Street Journal.

Millum annað verður arbeitt við at skaffa fleiri upplýsingar um loysingarrørsluna í Grønlandi og hvat fólk halda um amerikonsku tilfeingisvinnuna, siga ónevndar keldur við blaðið.

Eyðmerkja stuðlar

Amerikanska fregnartænastan hevur eisini fingið boð um at eyðmerkja fólk í Danmark og í Grønlandi, sum stuðla ætlanunum hjá Trump at leggja Grønland inn undur seg.

Eitt talsfólk í Hvítu húsunum í Washington vil ikki gera viðmerkingar til greinina.

Men Gabbard, stjóri fyri fregnartænastuna, skammar Wall Street Journal fyri at stuðla myrku kreftunum, sum vilja seta seg ímóti forsetanum við at politisera og leka loyniligar upplýsingar.

Hon ákærir eisini blaðið fyri at bróta lógina.

Tulsi Gabbard

Tulsi Gabbard (Mynd: Ritzau/Scanpix)