Noreg og sponsk skipasmiðja gjørt semju um fregatt

Norska verjumálráðið og spanska skipasmiðjan Navantia hava gjørt semju í Helge Ingstad-málinum.

Býarrætturin í Oslo stóð fyri semingsroyndini.

Partarnir hava eisini avtalað, at Navantia heldur fram við at viðlíkahalda og dagføra norsku fregattirnar í upp til seks ár, sigur norska stjórnin.

Semjan fevnir eisini um, at Navantia veitir norska verjumálaráðnum 47,5 mió. evrur í avsláttri í sáttmálum um tøkniligan stuðul og dagføringar í norsku fregattunum. 

- Eg eri nøgdur við, at málið er loyst, sigur norski verjumálráðharrin Tore O. Sandvik í tíðindaskrivi. 

(Videobrot: VG.no)

Stoyttu saman

Náttina til 8. november 2018 stoyttu fregattin "KNM Helge Ingstad" og 250 metra langa tangaskipið Sola í Hjeltefjørðinum út fyri Bergen og sakk.

Spanski staturin eigur Navantia-skipasmiðjuna, sum smíðaði fregattina Helge Ingstad.

Í mai noktaði skipasmiðjan fyri, at hon hevði skyldina av, at fregattin sakk.

Nú sigur nevndarformaðurin Ricardo Dominguez, at hann er nøgdur við semjuna.