G! 2025: Har manglar einki í skránni

!!!HALDIÐ OKKUM TIL GÓÐAR, AT LJÓÐGÓÐSKAN Í INNSLAGNUM ER SO VÁNALIG. 

Alt er klárt á G!, og nú gleðir tónleikastjórin, Høgni Lisberg, seg bara til, at tónleikurin byrjar at spæla á pallinum. 

"Tað verður riggað til allastaðni, og eg havi ikki hoyrt annað, enn at alt verður klárt."

"Mín høvuðsábyrgd er tónleikurin, so tað eri eg spentur uppá, kanska serliga DakhaBraka úr Ukraina, ið eg sjálvur ikki hava hoyrt live áður."

SÍ EISINI: G! 2025: Liggið ikki sjóvarfallið av tykkum

Her manglar einki

Høgni er ikki samdur við teimum, ið halda, at tað manglar okkurt til tey ungu í G! skránni.

"Eg haldi ikki sjálvur, at tað manglar nakað. G! skráin er sum ein góður grýturættur. Her er okkurt søtt, okkurt salt, pipar og her er alt mitt ímillum. Her eru DJ's, sum spæla um kvøldið, her eru kendur tónleikur, ið tú kanst skrála við til, og her er tónleikur, sum tú ikki hevur hoyrt fyrr. Tað er tað, ið G! skal gera. Tað er partur av okkara uppgávu og samleika at flyta mørkini eitt sindur."