Tikin fyri at smugla 1,7 tons av kokaini

Tveir danir og ein breti vóru fyrr í summar tiknir út fyri Asorurnar við 1.680 kilo av kokaini í bátinum, upplýsa sponsku myndugleikarnir.

Tað skriva norska og danska kringvarpið.

Portugisiska politiið framdi handtøkuna tann 14. juni - góðar 700 kilometrar frá oynni Flores í oyggjabólkinum Asorunum.

Ein annar danskur ríkisborgari verður hildin at vera leiðari fyri smuglingini. Hann varð handtikin í Torremolinos í Suðurspania sama dag.

Øll tey, sum hava verið uppi í málinum, eru nú fongslað, men tað er ikki greitt, hvussu tey fara at svara ákærunum. Ein persónur, sum er undir illgruna, er framvegis leysur, og er eftirlýstur altjóða.

Smuglaðu rúsevnini verða mett at hava søluvirði á gøtuni upp á góðar 850 milliónir danskar krónur, ella 1,35 milliardir norskar krónur.