Stoltenberg fær ráðharrasess í nýggju stjórnini

Jonas Gahr Støre, forsætisráðharri og formaður í norska arbeiðaraflokkinum, vissar um, at Jens Stoltenberg fær ein sess í nýggju stjórnini.  

Jens Stoltenberg kom upp í stjórnina í vetur sum fíggjarmálaráðharri, tá sentrumsflokkurin var farin burturúr, og arbeiðaraflokkurin skipaði stjórn einsamallur.

- Stoltenberg hevur gjørt eitt gott arbeiði, og eg vil fegin hava hann við í nýggju stjórnina, segði Støre í nátt.

Evropa kann læra av hesum

- Valúrslitið er greitt tekin til alt Evropa, og Evropa kann læra av hesum, segði Jens Stoltenberg við Reuters-tíðindastovuna í gjárkvøldið:

- Tað er gott at vera við í toyminum hjá Jonas Gahr Støre og síggja, hvussu sosialdemokratiskir flokkar í Evropa kunnu vinna, eisini tá ið vit síggja vaksandi stuðul til høgrapopulismu. Restin av Evropa kann læra av hesum, at tað ber til at vinna valstríðið, har sterk høgrapopulisma er førd fram, sum vinnur, og sum konservativi flokkurin má svíða fyri. Og at sosialdemokratarnir og mið-vinstra hava vunnið greitt, segði Jens Stoltenberg.

Jógvan Hugo Gardar

Jógvan Hugo Gardar.

Hoyr samrøðu við Jógvan Hugo Gardar, journalist í Oslo, um politisku tingingarnar í Noregi, nú valúrslitið er greitt: