Hekkuportrið: Strandferðslan royndi at trýsta Suðuroyar sjúkrahús

Strandferðslan royndi at trýsta Suðuroyar sjúkrahús, tá tey fingu illgruna um, at tað var eitt starvsfólk á sjúkrahúsinum, sum hevði tikið myndina av hekkuportrinum á Galaxy og sent hana til Kringvarpið. 

Tað vísir alment innlit, sum Kringvarpið hevur fingið í samskiftið millum Strandfaraskip landsins og Suðuroyar sjúkrahús. 

Rakstrarleiðarin á SSL hótti við, at sjúkraflutningstænastan ikki kann vera á bildekkinum undir sigling.

Alment sett starvsfólk hava talufrælsi, og tað eigur ikki at koma fyri, at eitt starvsfólk verður hótt til at tiga um slík viðurskifti, sigur Jógvan Páll Lassen, løgfrøðingur og advokatur. 

Hoyr innslag í útvarpstíðindunum: