Vænta at fáa 44 milliónir meira í skatti næsta ár

Tórshavnar kommuna væntar at fáa fýra prosent, 44 milliónir krónur, meira i skatti næsta ár.

Tað vísa tøl, sum vóru tøk í september.

Tórshavnar býráð hevur samtykt fíggjarætlanina fyri 2026.

Seinna viðgerð verður 20. november.

Nógv strørri eftirlønarskattur

Skatturin av eftirlønargjøldum verður nógv størri næsta ár enn hann er í ár. Tann hækkingin kemst serliga av stóru lønarhækkingunum í hesum sáttmálaskeiðnum.

Inntøkurnar eru mettar at vera hálva aðru milliard, 5,4 prosent størri enn í ár.

Rakstrarútreiðslurnar eru ein milliard og 140 milliónir i uppskotinum, 4,9 prosent meira enn í ár.

Í uppskotinum eru góðar 263 mió. krónur eftir til skattafíggjaðar íløgur.