Trump fær helst friðarheiðursløn frá FIFA

Amerikanski forsetin, Donald Trump, fær eftir øllum at døma sína friðarheiðursløn, sum hann leingi hevur tráað eftir.

Tað verður ikki friðarheiðursløn Nobels, hon var latin Maria Corina Machado úr Venesuela í síðsta mánaði, men helst verður tað nýggja friðarheiðurslønin hjá altjóða fótbóltssamgonguni FIFA

FIFA-forsetin, Gianni Infantino, kunngjørdi í gjár, at FIFA fyri fyrstu ferð fer at lata sína egnu friðarheiðursløn. Formliga eitur hon «Fifa Peace Prize - Football Unites the World».

Vinnarin verður kosin 5. desember í Washington DC, tá lutakastið til HM-endaspælið í USA, Kanada og Meksiko næsta summar, verður.

Sambandið millum FIFA-forsetan og amerikanska forsetan er gott.

Donald Trump nevndi Gianni Infantino í setanartalu síni, og teir hava hitst fleiri ferðir síðani, og hava higartil bara gott at bera hvørjum øðrum.