Eitt forsetavalumfar í Kili aftrat

Forsetin í Kili, Gabriel Boric, boðaði í gjárkvøldið frá, at Jeannette Jara, sum umboðar vinstravongin, og José Antonio Kast, sum umboðar høgravongin, skulu út í enn ein valdyst.

Tá helmingurin av atkvøðunum var taldur upp, var greitt, at hvørgin teirra fóru at fáa meira enn 50 prosent av atkvøðunum, sum skulu til fyri at vinna longu í fyrsta umfari.

Tað skrivar AP-tíðindastovan.

Sitandi stjórn stuðlar Jeannette Jara, sum er fyrrverandi ráðharri.

Jose Antonio Kast

José Antonio Kast er forsetavalevni hjá vinstraveinginum. (Mynd: Rodrigo Garrido/Reuters/Ritzau Scanpix)

Valskylda

Í báðum legum vóru tey fegin um, at tey eru komin víðari til annað umfar.

Hetta er fyrsta valið í Kili, har tað er skylda at fara á val, og har allir veljararnir eru skrásettir.

Tað hevur havt við sær, at 15,7 milliónir fólk hava verið á vali.

Slakar 20 milliónir fólk búgva í Kili.