- Tíðindi, mentan og ítróttur
Nýggjur stjóri leggur dent á heilsu í breiðari merking
1. januar í komandi ári tekur Noomi Oddmarsdóttir Gregersen við sum nýggjur stjóri í Heilsustýrinum.
Og tað verður nýggi heilsupolitikkurin, sum verður grundarlagið í arbeiðnum, sigur hon.
Gransking er eitt lyklaorð
Heilsustýrið er sett saman av ymiskum fakbólkum, og skal byggjast á vitan og samstarv, sigur Noomi Oddmarsdóttir Gregersen.
Sjálv hevur hon drúgvar granskingarroyndir, og leggur dent á, at vitanin, sum Heilsustýrið arbeiðir við og kemur út við um fólkaheilsu, altíð er við støði í júst gransking.
Heilsa í breiðari merking
Tá nýggi stjórin tekur við, verður tað eisini við sjóneykuni á heilsu í breiðari merking, bæði likamliga, sosialt og sálarliga, sigur Noomi Oddmarsdóttir Gregersen.
Og her skal nýggi heilsupolitikkurin vera grundarlagið.
