Deiligt at sleppa upp í part

Ein av teimum, sum fekk kjansin, tá fleiri vórðu spardar í trygga sigrinum á Paraguai í dag, var Anna Elisabeth H. Weyhe, sum fekk nógvar minuttir á vonginum fyri Rannvá Olsen.

H71-vongurin tók eisini av og gjørdi ikki mætari enn at skora upp á allar fimm skotkjansirnar, sum hon fekk eftir steðgin.

 - Tað  var ræðuliga stuttligt. Ein góður dystur, eg haldi, at allar komu upp í part, og tað er ordiliga deiligt, segði hon eftir 36-25 sigurin, sum tryggjaði Føroyum plássið í miðumfarinum.

 - Sum vongur kemur tú inn og hevur eina uppgávu; at skora, og tað er bara deiligt, tá tað eydnast segði Anna Elisabeth H. Weyhe, sum nú gleðir seg til eina stóra uppgávu í miðumfarinum, har Ísland, Serbia og vertstjóðin Týskland bíða.