Framleiðslukostnaðurin í alivinnuni minni í ár enn í fjør

Miðal framleiðslukostnaðurin hjá alivinnuni er uppgjørdur at vera 44 krónur og 18 oyru fyri kilo í ár. 

Tað kunnger Tilfeingis- og Vinnumálaráðið.

Hann er tí 59 oyru minni enn hann var í fjør. 

Framleiðslukostnaður er rávørur og hjálpartilfar, goymslubroytingar, aðrir uttanhýsis kostnaðir og starvsfólkakostnaður.

Brúktur at áseta tøkugjaldið

Frá 1. oktober til 31. desember í 2024 var miðal framleiðslukostnaðurin 51 krónur og 71 oyru.

Hann var 52 krónur og 37 oyru frá 1. apríl til 1. oktober í 2024.

Framleiðslukostnaðurin verður brúktur til at áseta tøkugjaldið hjá alivinnuni. 

Framleiðslukostnaðurin skal takast av miðal altjóða laksaprísinum, áðrenn tøkugjaldið verður sett.