Martin og Martin undir somu dýnu

Teir eita báðir Martin, eru grannar í Miðvági, arbeiða á sama arbeiðsplássi, og nú eru teir farnir saman til Olso at hyggja eftir hondbólti.

Martin Simonsen og Martin Mikkelsen deila kamar og song í Oslo, og so var eisini lagt upp til, at teir skuldu liggja undir somu dýnu. Men har til og ikki longur, sigur Martin Simonsen, sum hevur biðið um at fáa eina eyka dýnu. 

- Eg fari ikki at liggja undir somu dýnu sum hann í fleiri dagar.

Berlin kveikti áhugan fyri hondbólti

Teirra áhugi fyri hondbólti byrjaði í Berlin. Frammanundan høvdu teir ikki hugt eftir nøkrum hondbóltsdysti. Í dag fylgja teir væl við, og tað var eingin ivi í, at teir eisini skuldu taka túrin til norska høvuðsstaðin at stuðla føroysku hondbóltsmonnunum. 

Vónirnar undan fyrsta dystinum fíggjakvøldið eru góðar. 

- Eg eri ikki pessimist, so vænti tað allar besta, og hopi, at vit fáa stig, sigur Martin Simonsen. 

-Bara tað ikki verður so, at man følir, at vit ongan kjans hava, sigur Martin Mikkelsen.