Franski forsetin tosaði grønlendskt á tíðindafundi

Franski forsetin, Emmanuel Macron, tosaði bæði á grønlendskum, donskum, fronskum og enskum, tá hann helt tíðindafund í París, í sambandi við, at danski forsætisráðharrin, Mette Frederiksen, og formaðurin í grønlendska landsstýrinum, Jens-Frederik Nielsen, hava verið á vitjan.

- Grønland er ikki til sølu og kann ikki takast. Grønlendingar gera sjálvir av framtíð landsins, segði Macron.

Hann segði, at Frakland tekur undir við at styrkja verjuna í Arktis, orsakað av Russlandi og Kina.

Macron segði eisini, at Frakland stendur saman við danska kongsríkinum. 

Sí videobrot frá tíðindafundi:

(Video-brot: KNR)

Jens-Frederik Nielsen, formaður í Naalakkersuisut, segði á tíðindafundinum, at Grønland er undir trýsti, og grønlendska fólkið er stúrið, men hann ætlar ikki at slaka.

Í gjár vóru Jens-Frederik Nielsen og Mette Frederiksen í Berlin, og sambært danska kringvarpinum segði danski forsætisráðharrin, at eftir hennara tykki er kreppan í sambandi við amerikanska kravið um at taka Grønland als ikki av.