- Tíðindi, mentan og ítróttur
Løkke um samráðingar við USA: Vit eru komin aftur á slóðina
Løkke um samráðingar við USA: Vit eru komin aftur á slóðina
Danski uttanríkisráðharrin er bjartskygdari nú um viðurskiftini millum Grønland, Danmark og USA, eftir at fundurin í Washington fyri tveimum vikum síðani fór av kós
Lars Løkke Rasmussen, uttanríkisráðharri, var væl hýrdur, tá hann tosaði við tíðindafólk á ES-høvuðsborgini í dag um viðurskiftini millum Grønland, Danmark og USA, sum hann heldur er komin aftur á slóðina.
Mynd: Simon Wohlfahrt/AFP/Ritzau Scanpix
29.01.2026 - 13:35
Í næstum vera fleiri fundir í arbeiðsbólkinum, sum Danmark, USA og Grønland hava sett.
Tað væntar danski uttanríksráðharrin, Lars Løkke Rasmussen.
Tað sigur hann, hóast fundurin í Washington millum USA, Grønland og Danmark fyri 15 døgum síðani fór heilt av kós.
- Viðurskiftini fóru upp í ein spíssj. Hetta hevur nú lagað seg aftur. Handilsstríðið er avlýst, segði danski uttanríkisráðharrin við fjølmiðlar á ES-høvuðsstøðini í Brússel í dag.
Lars Løkke Rasmussen sigur, at viðurskiftini eru fingin aftur á slóðina, og hann er bjartskygdari nú.
Hans Engell, politiskur viðmerkjari, sigur við TV2, at "vit eru á veg upp á stigið, har tað verður rættiliga spennandi í sambandi við Grønland."
Hoyr innslag í útvarpstíðindunum:
29012026_Lokke_um_USA
Er kopiera
Nýggjastu sendingar í ÚV
Nýggjastu sendingar í SV
