Fleiri grønlendingar kunnu útbúgva seg í verjuni

Fleiri grønlendingar fáa nú møguleika at búgva seg út í verju og tilbúgving.

Í summar hækkar arktiska støðisútbúgvingin næmingatalið úr 30 upp í 50, upplýsir danska verjumálaráðið.

Útbúgvingin er í Kangerlussuaq, og Arktisk Kommando, sum er høvussæti hjá donsku verjuni í Grønlandi, stendur fyri útbúgvingini.

Útbúgvingin tekur eitt hálvt ár, og síðani eru møguleikar útbúgva seg víðari í verjuni.

Eru við í Arctic Endurance

Higartil hava tvey lið av næmingum lokið støðisútbúgvingina.

Næmingar, sum í løtuni taka útbúgvingina, eru við í hernaðarvenjingini, Arctic Endurance, m.a. saman við donskum hermonnum í Grønlandi.

Arctic Endurance byrjaði fyri tveimum vikum síðani, og venjingin verður alt hetta árið. 

Millum londini, sum eru við í venjingini, er Frakland, Týskland, Svøríki, Noreg, Finnland, Holland, Ísland og Belgia. Danska verjan stendur á odda fyri  Arctic Endurance.