Danmark minst korrupta landið áttanda árið á rað

Áttanda árið á rað er Danmark nevnt sum landið við minst korruptión í almenna geiranum. 

Ársfrágreiðingin frá felagsskapinum Transparency International vísir, at í 2025 er stigatalið hjá Danmark lækkað úr 90 niður í 89 á einum stiga frá 1 til 100. Tess hægri stigatalið er, tess minni korruptur verður almenni geirin mettur at vera.

Finnland er nummar tvey, Noreg er nummar fýra og Svøríki nummar seks á listanum.

Venesuela, Somalia og Suðursudan liggja niðast á listanum við ávikavist 10, 9 og 8 stigum.

Føroyar eru ikki á listanum hjá Transparency International.