- Tíðindi, mentan og ítróttur
Javnaðarflokkurin og Sambandsflokkurin varðveita fólkatingssessirnar
Javnaðarflokkurin og Sambandsflokkurin varðveita fólkatingssessirnar
Veljarakanning vísir, at Javnaðarflokkurin fær sløk 38 prosent av atkvøðunum, og Sambandsflokkurin fær 28 prosent
Javnaðarflokkurin og Sambandsflokkurin varðveita fólkatingssessirnar, vísir veljarakanning.
Mynd: Ritzau Scanpix
13.03.2026 - 14:40
Javnaðarflokkurin og Sambandsflokkurin varðveita fólkatingssessirnar.
Tað vísir veljarakanningin, sum spyr.fo gjørdi fyri Kringvarp Føroya og Portalin í gjár.
Spurt varð, hvønn flokk fert tú at velja á fólkatingsvalinum tann 24. mars.
Javnaðarflokkurin fær sløk 38 prosent av atkvøðunum, og Sambandsflokkurin fær 28 prosent.
Fólkaflokkurin og Tjóðveldi afturgongd
Sløk 15 prosent av teimum spurdu ætla at velja Fólkaflokkin, og stívliga 14 prosent fara at velja Tjóðveldi.
Báðir flokkarnir ganga eitt vet aftur samanborið við fólkatingsvalið seinast. Stívliga tvey prosent ætla at velja Miðflokkin á fólkatingsvalinum.
Undirtøkan fyri Javnaðarflokkinum veksur 9,5 prosent. Afturímóti minkar undirtøkan fyri Sambandsflokkinum stívliga tvey prosent.
Fólkatingslimirnir, Anna Falkenberg og Sjúrður Skaale, stilla uppaftur.
Framsókn stillar ikki upp til fólkatingsvalið.
Er kopiera
Nýggjastu sendingar í ÚV
Nýggjastu sendingar í SV
