Læt Epstein manipulera og lumpa seg

Norska krúnprinsessan, Mette-Marit, læt seg manipulera og lumpa av amerikanska ríkmanninum og dømda kynsbrotsmanninum, Jeffrey Epstein.

Tað sigur hon í samrøðu við NRK.

Hetta er fyrsta samrøðan, krúnprinsessan ger um málið, síðani amerikanska løgmálaráðið almannakunngjørdi fleiri enn tríggjar milliónir nýggj skjøl í Epstein-málinum í januar. Skjølini vístu millum annnað, at hon og Jeffrey Epstein høvdu havt nógv teldupostsamskifti frá 2011 til 2014.

Orðalagið hjá krúnprinsessuni í teldupostsamskiftinum, tá hon til dømis skrivar «you always make me smile» og «you tickle my brain» vakti stóran ans í Noregi og um allan heim. 

Í oktober 2011 skrivar hon til Epstein: "Leitaði teg fram á Google eftir síðsta teldupost. Eg eri samd, tað sær ikki gott út".

Jeffrey Epstein var í 2008 dømdir 18 mánaðir fongsulsrevsing fyri at keypa kynsligan beina frá børnum.

Hann var latin leysur í 2009.

Sambært Epstein-skjølunum lænti Mette-Marit krúnprinsessa húsini hjá Jeffrey Epstein í Palm Beach í Florida í fleiri dagar í januar 2013.

Hon sigur, at hon hitti Epstein síðsta dagin, tá hon var stødd í Palm Beach, og tá kom hann henni í eina ótespiliga støðu, sum gjørdi at hon ringdi til mannin, Haakon krúnprins: