Ferðavinnan gav 1,4 mia. kr. í 2025, men stígur komin í ferðafólkatalið

Sambært ársfrágreiðingini hjá VisitFaroeIslands so komu 1,4 milliardir krónur inn frá ferðavinnuni í 2025.

Samanbera vit við 2024, so fingu vit í Føroyum fleiri krónur burturúr teimum vitjandi enn vit gjørdu árið undan.

Í miðal fingu vit umleið 9.700 krónur frá hvørjum vitjandi í 2025, meðan miðaltalið í 2024 var slakar 8.900 krónur. Altso ein vøkstur uppá 800 krónur frá hvørjum ferðandi í 2025.

LES EISINI: Ársfrágreiðing 2025, Visit Faroe Islands

160 mió. kr. í stutttíðarleigu

Í 2025 hava vit fyri fyrstu ferð fingið hagtøl yvir stuttíðarleigu í Føroyum, sum var 160 milliónir krónur.

Umleið 1200 bústaðareindir vóru tøkar til ferðavinnuna í 2025 - íbúðir, kømur, neyst ella húsvognar.

Inntøkan frá stuttíðarleigu var tilsamans 160 mió krónur í 2025 deilt út á góðar 132.000 leigumálsnætur. 

Miðalprísurin fyri eina nátt í einum føroyskum airbnb ella booking.com leigumáli var sostatt umleið 1200 krónur. 

ferðafólk, ferðavinna, Tinganes

Frítekst tagging: 

ferðafólk

Ferðavinna

Tinganes

Bjarni Árting Rubeksen

600 fólk starvast í ferðavinnuni

Tá alt verður talt saman, so var útflutningsvirðið í ferðavinnuni 1,4 milliardir krónur í 2025 - ella í 7,6% av samlaða útflutninginum hjá Føroyum.

Til samanberingar so var umsetningurin hjá Tórshavnar Kommunu í 2025 neyvt sama tal. 1,4 milliardir krónur. 

Sambært ársfrágreiðingini hjá Visitfaroe Islands, so starvaðust 600 fólk í ferðavinnuni í 2025 - og tað eru 20 fleiri starvsfólk enn í 2024, tá 580 starvsfólk starvaðust í ferðavinnuni. 

70% ella gott 400 av teimum starvsfólkunum eru kvinnur.