Trý nýggj verk á ársins kórstevnu

Í dag hittast kórsangarar úr øllum landinum til kórstevnuna, sum í ár verður hildin á Kambsdali.

Tað er kórið í Eysturkommunu, Eystanljóð, sum saman við Kórsambandi Føroya, skipa fyri stevnuni í ár.

Íslendski kórleiðarin Magnús Ragnarsson skal leiða felagskórið. Hann hevur útbúgvin úr Íslandi og av kirkjumusikkskúlanum í Gøteborg. Hann dirigerar balettir og kamaropra, hevur stjórna Lutoslawski Filharmoniska Orkestrinum í Póland og hevur arbeitt saman við íslendska symfoniorkestrinum, skrivar Kórsambandið í tíðindabrævið.
 
Árliga konsetin, sum eisini er ein kapping millum tey 17 kórini sum luttaka í ár, verður í Miðnámsskúlanum á Kambsdali kl. 16, greiður Leif Hansen, forseti í Kórsambandi Føroya frá.

Dómarar í ár eru Magnús Ragnarsson, høvuðsdómari, Tróndur Bogason og Heiðrun Petersen. Eisini kunnu tey, sum eru á konsert, atkvøða fyri besta kórinum til áhoyraravirðislønina.