Chr. í Grótinum landað størstu last í Noregi í ár

Føroysk skip eru farin at landa svartkjaft uttanlands.

Norges Sildesalgslag skrivar, at Christian i Grótinum hevur landað størstu svartkjaftalastina í Noregi í ár.

Hann landaði 3.505 tons í Egersund.

Tvey onnur føroysk skip høvdu tilsamans 5.000 tons.

Svartkjafturin er fískaður í føroyskum sjógvi.

Aftur í ár sleppa føroysk skip at landa svartkjaft uttanlands.

Loyvið fer tó úr gildi aftur longu 15. mai, fríggjadagin.