Brandenborg bað farvæl við norska meistaraheitinum

Liðskiparin hjá føroysku hondbóltskvinnunum, Pernille Brandenborg, segði farvæl í Storhamar við finalusigri og meistaraheitið, áðrenn leiðin gongur til rumenskt stórlið

Pernille Brandenborg takkaði fyri seg í Storhamar við norskum meistaraheiti

Mynd: Storhamar

Símun Christian Olsen

31.05.2026 - 17:49

Pernille Brandenborg bað farvæl í Storhamar við gullinum um hálsin.

Saman við liðfeløgunum vann liðskiparin á føroyska hondbóltslandsliðnum nevniliga á Sola í avgerandi finaludystinum og tryggjaði sær norska meistaraheitið í fyrstu royndini, áðrenn leiðin gongur til Rumenia.

Triðja finalan sunnudagin endaði 28-23 til Storhamar, sum við fyrsta plássinum eisini tryggjar sær atgongd til Champions League næsta kappingarár.

Tá verður Pernille Brandenborg ikki í felagnum. Í januar gjørdist greitt, at strikuspælarin skal spæla við rumenska stórliðnum CSM București næstu tvey árini. CSM, sum endaði á 2. plássi í rumensku deildini í ár, skal spæla hálvfinalu í Champions League ímóti Metz um eina viku.

- Eg havi havt tað sera gott í Storhamar, men tá tú fært ein slíkan møguleika at stíga eitt fet longur upp á yrkisleiðini, mátti eg taka av, segði Pernille Brandenborg í januar.

SÍ EISINI: Ov gott at siga nei til