Brakklegging eftir ILA verður stytt úr seks niður í tríggjar mánaðir

Við nýggju kunngerðini verður kravda brakkleggingartíðin fyri alibrúk og rakstrareindir, har ILA er staðfest, stytt úr seks mánaðum og niður í tríggjar mánaðir. 

Broytingin er gjørd við einari broyting í kunngerðini frá 2005 um niðurberjing og eftirlit við ILA. 

ILA er ein álvarslig virussjúka hjá laksi, og higartil hava alibrúk, har sjúkan er staðfest, skulað ligið brakk í seks mánaðir eftir niðurberjing. Við nýggju reglunum verður hetta tíðarskeiðið nú helvtina styttri. 

Sambært kunngerðini frá Vinnumálaráðnum, so kemur broytingin í gildi dagin eftir, at hon er kunngjørd.