SÚF-formaðurin: Útróður er sunnur og burðardyggur partur av fiskivinnuni

Teir flestu útróðrarbátarnir koma til lands við blóðgaða fiskinum sama dag, sum hann er fiskaður. Alt verður fingið ti høldar, og raksturin er sum heild umhvørvisvinarligur

Fiskidagaskipanin er 30 ár og eigur at eftirmetast, øll sum hon er, heldur Jógvan Trondesen Andreasen, formaður í Suðurstreymoyar Útróðrarfelag

Mynd: Savnsmynd

Ingolf Sólheim Olsen

22.07.2026 - 20:00

Jógvan Trondesen Andreasen, formaður í Suðurstreymoyar Útróðrarfelag, SÚF, leggur dent á, at útróðurin er ein sunnur og burðardyggur partur av føroysku fiskivinnuni

Hann fegnast um teir 750 eyka fiskidagarnar, sum landsstýrismaðurin í uttanríkis- og fiskivinnumálum hevur tikið stig til við lóg at lata bólki 5B í ár, men hann vónar, at næsta stigið er ein varandi loysn, sum javnsetir allan bólk 5 við hinar veiðibólkarnar. Serliga tá tað snýr seg um møguleikan at flyta óbrúktar dagar í einum fiskiári til árið eftir.

SÚF-formaðurin heldur eisini, at øll fiskidagaskipanin, ið fyllir 30 ár í ár, eigur at eftirmetast, nú landsstýrismaðurin hevur biðið ICES um at eftirmeta umsitingarætlanina og veiðiregluna, sum verða brúkt sum grundarlag fyri árligu útlutingini av fiskidøgum.

Hoyr innslag í útvarpstíðindunum:

1823655