Vilja hjálpa fólki at gjalda olju

Sjálvstýri og Tjóðveldi halda, at orka er so dýr, at neyðugt er at hjálpa fólki at gjalda fyri hana.

Flokkarnir hava tí uppskot um at broyta lógina um familjuískoyti og lógina um ferðastuðul.

Í øðrum uppskotinum hækkar ískoyti til orku úr 5.000 krónum upp í 12.000 krónur í ár. 

Inntøkumarkið og ognarmarkið skulu eisini hækka.

Hetta fer at kosta landskassanum 3,8 mió. kr., sum verða fíggjaðar við eykajáttanarlóg. 

Flokkarnir báðir hava eisini uppskot um at hækka ferðastuðulin, so hann gevur 1100 krónur meira í ár. 

Tað fer at kosta landskassanum fimm milliónir í 2027.