Avrætting í Tennessee miseydnaðist

Eftir ætlan skuldi Christa Pike verða avrættað í Tennessee í gjár. Men hóast hon fekk tvær sproytur, doyði hon ikki.

Hon varð flutt úr fongslinum Í Nashville í sjúkrabili, og er nú løgd inn á sjúkrahús.

50 ára gamla Christa Pike stóð til at gerast fyrsta kvinna í meir enn 200 ár, sum bleiv avrættað í Tennessee. Hon hevði fingið deyðadóm fyri eitt morð, sum var framt, tá hon var 18 ára gomul.

Nú verður kannað, hví sproyturnar ikki tóku lívið av deyðadømdu kvinnuni.

Hetta er ikki fyrstu ferð í ár, at ein avrætting í Tennessee miseydnast. Í mai mánaði mátti avrættingin av deyðadømda Tony Carruthers útsetast, tí starvsfólk ikki funnu nakra æðr at geva honum sproytuna.