So ovfarin at hann gloymdi at trýsta á nullið

<p>Anni og Oddmar Nattestad vóru so heppin at vinna bilin í Gekkinum síðsta fríggjadag og í dag, fríggjadagin, handaði Kringvarpið teimum bilin.</p>

<p>Oddmar hevði keypt tríggjar gekkar, men tá Gekkaspælið kom, gav hann konuni gekkarnar, og setti seg sjálvan við telduna. &nbsp;Hann fylgdi ikki við, men einaferð kemur róp í, tí nú vóru tey um at fáa fulla plátu.</p>

<p><strong>Ringdi fyrst skeivt</strong></p>

<p>-Eg eftir telefonini, men ringdi fyrst skeivt. So var upptikið, men triðju ferð, eg ringdi, svaraði. Eg visti ikki, at tað var komið til hjulið, men so var.</p>

<p>Eg trýsti á 1-talið, men eg var so ovfarin, at eg gloymdi heilt at trýsta á nullið. Ikki fyrr enn verturin gjørdi vart við tað, trýstið eg, og hjulið kom beint á bilin, og so var bara at taka av, sigur ein fegin Oddmar.</p>

<p><strong>Dótturin fær gamla bilin</strong></p>

<p>Tey eiga ein seks ára gamlan bil, men høvdu avtalað, at dótturin skuldi &nbsp;yvirtaka hann. Tað gekk ikki meira enn hálvur tími, so ringdi hon, og helt fyri, at nú fekk hon bilin bíliga.</p>

<p>Anni og Oddmar hava bara koyrt frá bilasøluni og til hús. Hann ásannar, at hetta er ikki tað sama. Alt er so elektroniskt, at &nbsp;at tað er ikki sum at siga tað.</p>

<p>Men Oddmar sleppur ikki at royna tað nógva, tí hann siglir við Smyrli og í annaðkvøld setir Smyril kós ímóti Danmark, har meiri skal gerast við flaggskipið hjá Strandfaraskipum Landsins.</p>