Grønlendingar kanna avgjaldið á fiskivinnuna

Grønlendska fiskimálaráðið hevur sett eina nevnd, sum skal fáa greiði á, hvussu avgjaldið á fiskivinnuna skal skipast í framtíðini.

Í Íslandi er avgerð tikin um, at skip, sum fiska fisk, ið hevur størst virði, skulu rinda mest.

Tað fer at geva íslendska ríkiskassanum færri inntøkur, men fer at gagna íslendsku vinnuni, sigur ein talsmaður fyri íslendska ídnaðarmálaráðið við grønlendska kringvarpið.

Íslendingar lækkaðu gjaldið

Tá nýggja stjórnin tók við í Íslandi í 2012, var eitt tað fyrsta, hon gjørdi, at lækka avgjaldið á fiskivinnuna. Stjórnin heldur, at fiskivinnan skal ikkki rinda hægri avgjald, enn hon klárar at rinda. Frammanundan hevði íslendska fiskivinnan hvat tvey vánalig ár, og tí kom avgjaldslækkingin væl við, sigur talsmaðurin.

Allur fiskur í Íslandi rindar avgjald, men avgjaldið á makrel er 30 oyru fyri kg. Avgjaldið á makrel í Grønlandi er 95 oyru fyri kg, skrivar KNR.

Grønlendski landsstýrismaðurin í fiskivinnumálum, Finn Karlsen, sigur við KNR, at eitt av málunum, sum nevndin skal kanna, er júst íslendska avgjaldsskipanin.

Nevndin skal handa grønlendska fíggjarmálaráðnum sína frágreiðing um avgjald á fiskivinnuna næsta ár, skrivar KNR.