Lítil virðing fyri vápnahvíldini: Fimm latið lív

Seinasta samdøgrið hava fimm ukrainskir hermenn latið lív har eysturi í landinum, sigur ein hernaðarligur talsmaður í høvuðsstaðnum Kijev

Vápnahvíldin, sum kom í gildi í Ukraina sunnunáttina, er skotin niður. Fimm ukrainskir hermenn hava latið lív síðan avtalan kom í gildi á midnátt leygarkvøldið

Mynd: AP

Bjarni Mohr

17.02.2015 - 14:50

14 hermenn eru særdir. Hermenninir lótu lív í býnum Debaltseve nærindis Donetsk, har harðir bardagar hava verið millum russiskt sinnaðu uppreistrarmenninar og ukrainskar stjórnarherdeildir, síðani vápnahvíldin kom í gildi sunnunáttina.

Í nátt gjørdu politisku leiðararnir í Russlandi, Ukraina og Týsklandi semju um tiltøk, sum skulu tryggja, at eygleiðarar sleppa inn í Debaltseve.

Greinin heldur fram niðanfyri

VIDEO: No sign of eastern Ukraine weapons withdrawal: http://t.co/DWXcibD0Nl
— The Associated Press (@AP) February 17, 2015

Sambært einum talsmanni fyri týsku stjórnina viðgjørdu russiski forsetin, Vladimir Putin, ukrainski forsetin, Petro Porosjenko, og týski samveldiskanslaran spurningin um at taka tungu vápnini úr krígsherjaða økinum.

Sambært talsmanninum verður farið at taka tungu vápnini aftur í dag. Men Ukraina hevur aftrað seg við at taka tungu vápnini aftur, tí landið sigur, at russiskt sinnaðu uppreistrarmenninir leypa á í heilum.

Greinin heldur fram niðanfyri

Ukraine truce fades as sides refuse to withdraw big guns http://t.co/w3LjPzGE88
— Reuters Top News (@Reuters) February 17, 2015

Uppreistrarmenninir siga tað sama um Ukraina, og at teir eru noyddir at svara aftur. Tí ætla uppreistrarmenninir ikki einvíst at taka síni vápn aftur, skrivar Reuters.