Verjin ynskir frídøming

Verjin ynskir frídøming
Verjin hjá Levi Mørk heldur, at hann átti at verðið frídømdur, tí ákæruritið varð broytt eftir at dómsviðgerðin í Føroya rætti er byrjað
Verjin hjá Levi Mørk heldur, hann eigur at verða frídømdur, tí ákæruritið varð broytt eftir at dómsviðgerðin byrjaði í rættinum
 
29.10.2015 - 15:54

Tað ber ikki til at broyta eitt ákærurit eftir at dómsviðgerðin í rættinum er byrjað. Tí eigur Levi Mørk, sum var leiðari í Frítíðarskúlanum í Hoyvik og Klubb 188, at verða frídømdur, sigur verjin hjá honum, Christian Andreassen.

Á rættarfundinum í gjár boðaði ákærin frá, at ákæruritið var broytt. Nú heldur ákæruvaldið uppá, at ákærdi hevur upplýst skeivt tímatal í lønarseðlunum.

SÍ EISINI Noktar seg sekan: Ákærdur fyri heimildarsvik

Ov nógvir tímar vóru í lønarseðlunum, var uppáhaldið hjá ákæruvaldinum í gjár. Verjin segði, at upprunaliga ákæran var um koturnar í lønarseðlunum, og tað hevði hann fyrireikað seg til og bygt sína verju á.

Verjin segði eisini, at tá politiið avhoyrdi skuldsetta um málið, varð hann avhoyrdur um koturnar. Christian Andreassen segði, at tað ber ikki til at broyta eitt ákærurit eftir at dómsviðgerðin er byrjað. Og tí eigur Levi Mørk at verða frídømdur.

Heldur rætturin ikki tað, eigur Levi Mørk kortini at verða frídømdur, segði Christian Andreassen, tí hann hevur ikki sent kommununi lønarseðlar við skeivum upplýsingum og kann tí ikki dømast fyri heimildarsvik.

SÍ EISINI Illgruni um, at alt ikki er farið rætt fram

Verjin segði eisini, at í einum ákæruriti eigur at vera tilskilað nøkunlunda neyvt, á hvønn hátt, lógarbrotið, sum ákært er fyri, er framt. Í hesum ákæruritinum stendur bara, at ákærdi við skeivum upplýsingum í lønarseðlunum gjørdi, at Tórshavnar kommuna misti 109.000 kr.

Og tað er ikki eitt fullfíggjað ákærurit, segði verjin, sum hevði sær nakrar dómar, har ákærd eru frídømd, tí ákæruritið ikki nóg neyvt segði, hvat tey vóru ákærd fyri

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844