IMF vil geva Grikkalandi lagaligari gjaldstreytir

Altjóða Valutagrunnurin, IMF, mælir nú til, at Grikkaland ikki fer undir at rinda ovurstóru skuldina fyrr enn í 2040, og at landið ikki skal vera liðugt at rinda skuldina til Europa fyrr enn í 2080.

Tað kemur fram í eini frágreiðing sum IMF hevur gjørt um ovurstóru skuldina hjá Grikkalandi.

Altjóða Valutagrunnurin sigur seg framvegis rokna við, at Grikkaland fer at fáa fimm milliardir evrur burturúr at selja almennar ognir. Samstundis verður roknað við, at griksku bankarnir hava tørv á fleiri pengum, fyri at hóra undan.

Samstundis ger IMF greitt, at rentan á griksku skuldini ikki má vera hægri enn 1,5 prosent, um landið skal megna at halda sínar skyldur.