Dómur fellur um eina viku

Byggifelagið Búsetur vil ikki hava sitandi á sær, at tað hevði skyldina, tá ein maður fekk stóran skaða og varandi mein í óhappinum.

Tí vil felagið heldur ikki góðtaka sektaruppskotið hjá fútanum, sum er 20.000 krónur, fyri at bróta kunngerðina um, hvussu eitt arbeiðspláss skal innrættast. Tí endaði málið í Føroya rætti, sum viðgjørdi tað seinnapartin í gjár.

Óhappið hendi 28. mars 2014. Ein 31 ára gamal timburmaður fekk stóran skaða, tá hann datt gjøgnum eitt hol í tekjuni á einum bygningi í Havn.

SÍ EISINI Góðtaka ikki sektaruppskot

Fallið var sjey metrar niður á betonggólv.

Arbeiðseftirlitið meldaði í juli 2014 Búsetur og mælti til, at Búsetur fekk 20.000 krónur í bót. Men Búsetur vil ikki gjalda, tí felagið noktar at hava brotið kunngerðina um arbeiðsumhvørvi og lógina um arbeiðsumhvørvi.