Nú fellur dómur í »kommunulækna-málinum«

Seinasti rættarfundur var farna fríggjadag. Tað var áttandi dagurin, ið brúktur varð til málið. Eitt mál, har 12 kvinnur hava verið avhoyrdar, trý fakfólk av ymiskum slagi, umframt kommunulæknan sjálvan, ið er ákærdur fyri fýra ymisk brot á revsilógina.

Kommunulæknin hevur frá byrjan noktað seg sekan í øllum ákærum. Tað ger kommunulæknin framvegis.

Fyrsti rættarfundur var 23. januar, seinasti rættarfundur var 10. februar. Endurgevingarforboð hevur verið fyri so at siga alt rættarmálið.

Men soleiðis er ikki í dag, tá dómurin verður sagdur. Tað er alment - og tí verður meira at frætta um hetta mál í tíðindasendingum seinni í dag og her á kvf.fo