Løgtingið byrjar árið við pensjónunum

bannari
Løgtingið byrjar árið við pensjónunum
Tingið endaði 2017 við fiskivinnunýskipanini og byrjar eisini 2018 við einari nýskipan. Tríggir tingfundir verða í næstu viku
Í næstu viku fer løgtingið aftur á fund. Stórmál eru á dagsskránni.
 
12.01.2018 - 07:35

Fyrsti tingfundurin í ár verður týsdagin.

Tá fer løgtingið at viðgera tey seks lógaruppskotini, sum saman mynda pensjónsnýskipanina.

Mikudagin er eisini eitt stórmal frá landsstýrinum á skránni, - nýggja alilógin.

Løgtingið skal eisini viðgera uppskotið hjá Sonju Jógvansdóttur um skattafrádrátt fyri limagjald til fakfeløg.

Hetta er aðru ferð í hesara tingsetuni, at tingið viðger hetta uppskotið.

Fall fyri jól

Samgongan hevur lovað Sonju Jógvansdóttur at atkvøða fyri uppskoti hennara.

Men tá atkvøðast skuldi seinast, tað var stutt fyri jól, fekk samgogan ikki mannað lið, so uppskotið fall.

Hósdagin er so byggingin hjá Almannamálaráðnum á skránni. Byggjast skulu barnaheim, tveir vardir bústaðir í Havn og heim til ung við autismu.

Og tveir skrivligir fyrispurningar skulu svarast hósdagin.

Annar er um røkt og tænastutilboð til røktarkrevjandi fólk, sum eru yngri enn 67 ár, og hin er um rækjufiskiskap við Svalbard og í russiskum sjógvi.   
 

Er kopiera
Nýggjastu sendingar í ÚV
Sunnudag 10. august
Guðstænasta í Hoyvíkar kirkju
195430
Sunnudag 10. august
Á ferð í Bangladesj: 2. partur
194440
Leygardag 9. august
Morgunlestur leygardagur 9. august 2025
195080
Fríggjadag 8. august
Vikuskiftið 8 august 2025
195400
Nýggjastu sendingar í SV
Fríggjadag 8. august
Veðrið - teknmálstulkað
195406
Fríggjadag 8. august
Dagur og vika - teknmálstulkað
195405
Fríggjadag 8. august
Veðrið
195397
Týsdag 5. august
Veðrið - teknmálstulkað
195271