Australskur erkibiskupur vardi pedofilimál

Ákærurnar eru um, at erkibiskupurin hevur vart ágang, sum presturin, Jim Fletcher, framdi móti einum dreingi í sjeytiárunum.

Løgfrøðilig starvsfólk hjá erkibiskupinum hava fleiri ferðir roynt at fáa ákæruvaldið at sleppa málinum, tí hann er dementur, og tí eigur at sleppa undan rættarsókn.

Philip Wilson er kortini framvegis erkibiskupur.

Tíðindastovurnar skriva, at hann kann vænta at fáa tvey ára fongsulsrevsing, men revsingin er ikki ásett enn.

Misbrúkti drongurin vitnaði í málinum. Hann greiddi frá, Jim Fletcher hevði misbrúkt seg kynsliga, og at hann hevði boðað Philip Wilson frá tí. 

Men Wilson fór ongantíð víðari við málinum.

Ákærurnar móti Philip Wilson eru partur av einari samskipaðari kanning av skuldsetingum um kynsligan ágang móti børnum í katólsku kirkjuni, sum byrjaði í 2010.