Umhugsa at fáa Brimil at hjálpa

Sambært Boga Nielsen, stjóra á Faroe Ship, sum hevur chartrað Perseus, so er ætlanin, at Brimil skal royna at sleipa Perseus leysan av grótkastinum. Samson og Pressarin hava roynt í ein tíma, tó uttan at skipið hevur flutt seg nevnivert.

Í og við at talan er um eitt chartrað skip, so eigur reiðaríið endaliga orðið.

Kringvarpið hevur tosað við løgreglu, MRCC og Tórshavnar havn fyri løtu síðani, og eingin visti enn at siga, nær hendan royndin verður gjørd.

Hann veksur vindin næstu tímarnar og tað ger ikki arbeiðið lættari.