Skottilburður í Toronto

Í minsta lagi ein persónur er deyður, og 13 hava fingið løstir í skottilburði uttanfyri eina matstovu í Toronto tíðliga í morgun. 

Tað skrivar løgreglan á Twitter. 

Eisini gerningsmaðurin er deyður. Sambært keldu innan løgregluna, skeyt maðurin eftir løgregluni og tók síðani seg sjálvan av døgum. 

Fráboðanin til løgregluna kom um 10-tíðina í gjárkvøldið lokala tíð.

Sambært vitnum skeyt ein svartklæddur maður millum 15 og 20 skot uttanfyri matstovuna Greektown í Toronto í Kanada.

Talsmaður hjá løgregluni sigur, at tað enn er óvist, hvør orsøkin til skottilburðin var.