- Tíðindi, mentan og ítróttur
Støðan spent í Spania
Støðan spent í Spania
Stór mótmælistiltøk hava um vikuskiftið verið í spanska høvuðsstaðnum, Madrid, tí stjórnin ætlar at tingast við loysingarfólk í Katalonia
Mótmælisfólk bera skelti og fløgg á mótmælisgongum í spanska høvuðsstaðnum, Madrid, um vikuskiftið
Mynd: AP
11.02.2019 - 11:34
BBC skrivar, at mótmælisfólkini siga, at ætlanin hjá Pedro Sánchez, forsætisráðharra at útnevna ein meklara at standa fyri tingingunum, næstan kann samanberast við landasvik.
Spanska løgreglan metir, at 45.000 fólk vóru við í mótmælistiltøkunum í miðbýnum í Madrid.
Loysingarvongurin í Katalonia hevur sagt nei takk til tilboðið frá stjórnini í Madrid og krevur eina nýggja fólkaatkvøðu um loysing.
Mótmælistiltøkini eru fyriskipað undir yvirskriftini "Fyri einum sameindum Spania - vit krevja val nú!"
Er kopiera
Nýggjastu sendingar í ÚV
Nýggjastu sendingar í SV
