Brexit aftur útsett

31. oktober er nýggja dagfestingin fyri Brexit. Tað sigur BBC. Eftir drúgvan fund millum Theresu May, forsætisráðharra, og leiðarar í ES, er avgjørt, at Brexit er útsett til 31. oktober.

Eftir fundin segði Donald Tusk, forseti í Evroparáðanum, at bretar mugu ikki lata tíðina fara til spillis.

Theresa May segði eftir fundin, at tey eru vorðin samd um at leingja freistina fyri Brexit til í seinasta lagi í oktober. Men sjálv heldur Theresa May, at Bretland skal úr ES skjótast gjørligt við einari semju.

ES og bretar eru vorðin samd um, at um so er, at ein semja er gjørd innanfyri tær fyrstu tríggjar vikurnar í mai, so skulu bretar ikki á val til ES tingið 26.mai, og so fer Bretland úr ES 1. juni.