Um hálvtannað ár verður hámarkið hálv lús

Lúsakunngerðin verður herd 1. august. Sambært galdandi kunngerð er loyvda hámarkið í hvørjum aliøki hálvonnur vaksin kvennlús í miðal.

1.juni næsta ár verður hetta hámarkið lækkað niður í eina vaksna kvennlús, og 1. juni 2021 niður í hálva vaksna kvennlús, kunnger Uttanríkis- og Uttanríkis- og Vinnumálaráðið.

Hámarkið nú er hálvonnur vaskin kvennlús í miðal. Í 48 teljingum nú í juli og í juni, er bara skrásett hálvonnur lús í einum alibrúki. Øll hini eru langt undir markinum.

Færri klipp

Kunngerðin verður eisini herd viðvíkjandi klippum. Verður farið upp um markvirðið fyri laksalús fær alari klipp.

Sambært kunngerðini, sum kom í 2016, fær alibrúk eisini klipp fyri heilivágin, sum verður brúktur at gera av við lýsnar.

Alibrúk, sum nú kunnu hava tíggju klipp, fara, tá broytta kunngerðin er komin í gildi, bara at kunna hava átta klipp, áðrenn smolttalið ikki skal hækka, ella tað skal lækka.

Hægstamarkið, sum nú er 20 klipp, lækkar niður í 16 klipp.