Eingin fiskar uppsjóvarfisk í løtuni

Einki skip, hvørki føroyskt ella útlendskt, fiskar uppsjóvarfisk í føroyskum sjógvi í løtuni.

Hetta er annars tíðin, tá makrelfiskiskapurin plagdi at byrja.

Føroyar eiga 4.000 tons av makreli við Eysturgrønland. 

Norðborg og Chr. í Grótinum hava verið har í nakrar dagar, men fiskiskapurin var sera vánaligur. 

Skipini fingu minni enn eitt tons, og eru nú farin í íslendskan sjógv, upplýsir Vørn.

Fiskiskapurin við Eysturgrønland var so lítil, at hann verður gjørdur upp í kilo.

Chr. í Grótinum hevði 967 kilo og Norðborg hevði 110 kilo, tá skipini fóru úr grønlendskum sjógvi, fekk Vørn at vita.